Inspeccion

Er Organisme Autonòm de Gestion e Recaptacion de Tributs Locaus desvolòpe, mejançant eth Servici d’Inspeccion Tributària, es prètzhèts de comprobacion e investigacion deth grad de compliment des obligacions fiscaus en relacion damb er Impòst sus Activitats Economiques (IAE).

 

Er an 2009, er àmbit d’accion s'estenec a 226 municipis, d’un totau de 231 qu'apartien ara demarcacion dera Deputacion de Lhèida, en regim de delegacion per quòtes municipaus, en tot abastar toti es municipis dera província a excepcion de Albatàrrec, Artesa de Lhèida, Lhèida, Palau d’Anglesola e Vila-sana.

 

Açò represente ua delegacion der impòst de 97,84% deth totau de municipis, e de 68,09% en çò que tanh ara poblacion dera província. Aguesta diferéncia de percentatge arrespon a ua concentracion dera poblacion ena ciutat de Lhèida e entorns, a on i a era major part dera activitat economica dera província, en tot demorar era rèsta deth territòri provinciau, damb bèra excepcion, damb un anautit nombre de municipis, pòca poblacion e cèrta activitat economica, qu'ei çò que, en definitiva, graue er Impòst sus Activitats Economiques.

 

En aguest conjunt, coexistissen majoritàriaments municipis predominantaments agricòles e pagesi, damb un cens d’activitats subjèctes ar Impòst d’Activitats Economiques fòrça limitat, damb d’auti que, ath delà, compden damb cèrta activitat industriau.