Er OAGRTL guanhe enes tribunaus eth dret des ajuntaments a èster compensadi pes bonificacions der IBI des autopistes
Somades es quantitats des 13 municipis lheidatans defenudi pera Deputacion de Lhèida, e peth conjunt deth periòde reclamat (de 2003 a 2007, ambdús includidi), era quantitat globau reclamada ei de 3.729.518,35 €.
Somades es quantitats des 13 municipis lheidatans defenudi pera Deputacion de Lhèida, e peth conjunt deth periòde reclamat (de 2003 a 2007, ambdús includidi), era quantitat globau reclamada ei de 3.729.518,35 €.
Eth Tribunau Superior de Justícia de Madrid a resolvut favorablaments a favor der Organisme Autonòm de Gestion e Recaptacion de Tributs Locaus dera Deputacion de Lhèida en relacion damb eth recors contenciós administratiu que s'interpausèc contra eth Ministèri Economia e Isènda referent as bonificacions des quòtes tributàries der Impòst sus Bens Immòbles (IBI) concedides ara societat Autopistas Concesionaria Española SA (ACESA).
D’acòrd damb çò establit en art. 12 dera Lei 8/1972, de 10 de mai, d’autopistes en regim de concession, er OAGRTL a vengut en tot autrejar ua bonificacion annau de 95% deth deute tributari en IBI de caracteristiques especiaus en aqueres referéncies cadastraus relatives as trams d’autopistes de peatge que trauèssen diferenti municipis des comarques de Lhèida e qu'era Deputacion de Lhèida ne n'a delegada era gestion d’aguest tribut.
Er OAGRTL a tostemp defenut eth dret des ajuntaments a èsser compensat per part der Estat en aguesta bonificacion.
Per aguest motiu, er OAGRTL presentèc sollicitud de compensacion deuant era Direccion Generau de Coordinacion Financèra deth Ministèri d’Economia e Isènda, era quau negligic era peticion de compensacion as nòsti municipis segons era resolucion dictada eth 23 de junhsèga de 2007. Aquera resolucion metie fin ara via administrativa e daurie era via deuant era sala contenciosa administrativa deth TSJ, que fin finau a dat era arrason ara Deputacion de Lhèida.
