È bastit ua casa sus un terren dera mia proprietat. S’a de declarar aguest hèt a efèctes der IBI?
Òc. Tota alteracion fisica o economica des bens immòbles s’a de declarar.
Eth titular der immòble a era obligacion de presentar ua declaracion cadastrau, donques qu'ua naua edificacion (o er ampliament o reabilitacion d’ua ja existenta) supause ua modificacion dera valor cadastrau, valor que se pren coma basa entà calcular eth tribut.
Atau, s’a de declarar:
- Ua òbra naua
- Ua division orizontau
- Ua reforma
- Ua segregacion
- Ua agropacion
- Un cambi en usatge dera finca, per exemple, quan un magasèm passe a burèu bancari o a botiga
- D’auti
Podetz trobar informacion sus es modèls de declaracions cadastraus e era documentacion que s’a d’aportar en web dera Direccion Generau deth Cadastre
Era declaracion cadastrau e era documentacion adjunta, se pòt presentar a:
- Geréncia Territoriau deth Cadastre en Lhèida: Av. Blondel, 23 (anciana sedença deth Banc d’Espanha) - 25002 Lhèida.
- Quinsevolh des burèus d’atencion ath contribuent der OAGRTL (veigatz Hilat de burèus).