Impòst sus Veïculs de Traccion Mecanica: sollicitud d’exempcion entà un veïcul matriculat a nòm d’ua persona damb minusvalidesa
Gestion tributària
Impòst sus Veïculs de Traccion Mecanica IVTM
Exempcion
Se pòt sollicitar era concession d’exempcion de pagament ar Impòst sus Veïculs de Traccion Mecanica (IVTM) en cas d’un veïcul matriculat a nòm d’ua persona damb minusvalidesa cada viatge qu'aguest veïcul sigue entath sòn usatge exclusiu.
Consultatz s'eth vòste municipi a delegada era gestion tributària des padrons der IVTM ar OAGRTL en tot cricar ací.
Regulacion:
Art. 93.1.e deth RDL 2/2004, de 5 de març, qu’apròve eth tèxte rehèt dera Lei Reguladora des Isèndes Locaus.
Qui ac pòt sollicitar:
Er interessat, tostemp que se complisquen es següents requisits:
- Eth veïcul a d’èster matriculat a nòm dera persona damb minusvalidesa (damb aguesta condicion legau damb grad parièr o superior a 33%).
- Eth veïcul s’a de destinar ar usatge exclusiu dera persona damb minusvalidesa.
- Sonque se pòt gaudir d’exempcion entà un unic veïcul.
- Aguesta exempcion s’aplique tant as veïculs condusidi per persones damb minusvalidesa coma es destinadi exclusivaments ath sòn transpòrt.
Aguesta exempcion ei de caractèr pregat, donques, er interessat a de sollicitar ar OAGRTL. S’an de complir toti es requisits naut indicadi a 1 de gèr (data de meritacion der impòst).
Quan se pòt sollicitar:
En quinsevolh moment.
Documents que s’an d’adjúnher ara sollicitud:
1. Fotocòpia deth DNI der interessat.
2. Fotocòpia deth permís de circulacion deth veïcul.
3. Manifestacion de non gaudir dera exempcion per cap aute veïcul e qu'eth veïcul se destine ar usatge exclusiu dera persona minusvalida.
4. Fotocòpia dera documentacion qu'acredite qu’er interessat a era condicion legau de persona damb minusvalidesa en grad parièr o superior a 33% (e era sua data d’efèctes, ei a díder, dempús de quina data a arreconeishut aguest grad) emetut per organ competent (en cas de Catalonha, peth Departament d’Accion Sociau e Ciutadania - ICASS dera Generauitat).
A on e coma se pòt sollicitar:
PER CORRÈU:
En tot enviar era sollicitud de concession de benefici fiscau ar IVTM, amassa damb tota era documentacion, a quinsevolh des burèus der OAGRTL.
PRESENCIAUMENTS:
Per comparucion enes dependéncies d’atencion ath contribuent de quinsevolh des burèus der OAGRTL, en tot aportar tota era documentacion de besonh.
Consultatz eth hilat de burèus.
F01-PR7-S06 Sollicitud benefici fiscau IVTM - Versió 2 Aranès.pdf
—
PDF document,
30Kb
F02-PR7-S06 Manifestacion exempcion IVTM - Versió 2 Aranès.pdf
—
PDF document,
18Kb
