Sollicitud de prorròga en pagament
Recaptacion
Impòst Bens Immòbles (IBI) - Urbana o Impòst sus er Increment de Valor des Terrens de Natura Urbana (IIVTNU) - Plusvalua
Prorogacion en pagament de liquidacions d’ingrès dirècte
Ei era concession d’un nau e unic termini entà hèr efectiu eth pagament des liquidacions d’ingrès dirècte der Impòst sus Bens Immòbles (IBI) - Urbana o der Impòst sus er Increment de Valor des Terrens de Natura Urbana (IIVTNU) - Plusvalua.
Eth termini dera prorròga ei de 3 mesi compdadi dempús de londeman dera finalizacion deth periòde volontari de pagament.
Era prorròga de LIDs non merite interèssi de demora. Non cau aportar garantia deth deute a prorogar.
Requisits:
1. S’a de tractar de liquidacions d’ingrès dirècte der Impòst sus Bens Immòbles - Urbans o der Impòst sus er Increment de Valor des Terrens de Natura Urbana (IIVTNU) - Plusvalua.
a) Er eth cas der Impòst sus Bens Immòbles - Urbans, se les cau auer liquidat dus o mès exercicis a ua madeisha persona sus un madeish immòble. Non se pòden concedir prorrògues en pagament de recebuts includidi en padron annau der IBI.
b) Er eth cas der Impòst sus er Increment de Valor des Terrens de Natura Urbana (Plusvalua), se pòt demanar era prorròga ne que solament s'age arrecebut ua liquidacion der impòst.
2. S’a de sollicitar mentre es liquidacions d’ingrès dirècte son laguens deth periòde de pagament en volontària.
3. Er impòrt globau a d’èster superior a 600 €.
Regulacion:
Article 65.4 dera Ordenança Generau de Gestion, Inspeccion e Recaptacion des Ingrèssi de Dret Public Locaus e d’auti ens, era gestion que n'a estat delegada en OAGRTL dera Deputacion de Lhèida.
Qui ac pòt sollicitar:
Er interessat, cada viatge que se complisquen es requisits naut indicadi.
Quan se pòt sollicitar:
S’a de presentar era sollicitud de prorròga abans dera finalizacion deth termini de pagament en periòde volontari.
Documents que s’an d’adjúnher ara sollicitud:
- Fotocòpia deth DNI der interessat.
- Fotocòpia o indicacion des liquidacions que se vòlen prorogar.
A on e coma se pòt sollicitar:
PER CORRÈU:
En tot enviar era sollicitud de concession de prorròga, amassa damb era documentacion, a quinsevolh des burèus det OAGRTL.
PRESENCIAUMENTS:
Per comparucion enes dependéncies d’atencion ath contribuent de quinsevolh des burèus der OAGRTL, en tot aportar tota era documentacion de besonh.
Consultatz eth hilat de burèus.
F01-PR7-S17 Sollicitud de prorogacion - Versió 2 Aranès.pdf
—
PDF document,
30Kb
