Sollicitud d’ajornament o fraccionament deth pagament
Recaptacion
Toti
Ajornament o fraccionament deth pagament de deutes
Ajornament:
Supause era concession ath contribuent d’un nau e unic termini entà hèr eth pagament des sòns deutes quan era sua situacion economicofinancera li hè impossible, transitòriaments, efectuar eth pagament en termini iniciauments establit.
Fraccionament:
Supause era concession ath contribuent de diuèrsi terminis entà hèr eth pagament des sòns deutes quan era sua situacion economicofinancera li hè impossible, transitòriaments, efectuar eth pagament en termini iniciauments establit.
Coma norma generau, es deutes tributaris poderàn ajornar-se o fraccionar-se per un periòde maximal de 6 mesi, que poderà agranir-se a 12 mesi per deutes d’impòrt superior a 600 èuros. Excepcionalment, entà deutes superiors a 6000€, se pòt concedir un ajornament o fraccionament per un termini superior a 12 mesi s'i a un informe favorable dera entitat titulara deth deute. Ne cap cas se concedissen ajornaments o fraccionaments superiors a 24 mesi.
Cau aportar ua garantia des deutes que se vòlen ajornar o fraccionar. Era garantia mès abituala ei er aval bancari. En casi de vertadèr besonh o d’ajornaments o fraccionaments de deutes d’impòrt inferior a 1500 €, se pòt dispensar era aportacion de garantia.
Coma nòrma generau, non se concedissen ajornaments o fraccionaments de deutes d'impòrt inferior a 100 èuros.
Eth tot ajornament o fraccionament de deutes se meriten es interèssi de demora dempús dera data de fin de pagament en volontària deth deute. Era entrada en vigor dera naua Lei Generau Tributària (Lei 58/2003, de 17 de deseme) a supausat qu'aqueres sollicituds presentades a compdar deth 01/07/2004 e garantides mejançant aval bancari, meriten er interès legau en lòc der interès de demora. Consultatz tipe d'interès.
Era sollicitud d’ajornament o fraccionament supause era suspension deth procediment de recaptacion.
Regulacion:
Articles 65 e 82 dera Lei Generau Tributària (Lei 58/2003, de 17 de deseme)
Articles 44 a 54 deth Reglament Generau de Recaptacion (RD 939/2005, de 29 de junhsèga)
Articles 65 a 70 dera Ordenança Generau de Gestion, Inspeccion e Recaptacion des Ingrèssi de Dret Public Locaus e d’auti ens, era gestion que n'a estat delegada en OAGRTL dera Deputacion de Lhèida.
Qui ac pòt sollicitar:
Er interessat.
Quan se pòt sollicitar:
En quinsevolh moment (enquiara notificacion der acòrd d’alienacion des bens embargadi).
Documents que s’an d’adjúnher ara sollicitud:
1. Fotocòpia deth DNI der interessat.
2. S'eth sollicitant non ei eth subjècte passiu, documentacion qu'acredite era representacion pera quau actue.
3. Fotocòpia o document qu'identifique eth/es deute/s que se vò ajornar o fraccionar.
4. Documentacion referent as garanties:
a) En cas de deutes en volontària o expedients d’executiva, en ambdús casi, d’impòrt superior a 1500 € de principau: coma norma generau, s’a d’aportar aval bancari en favor der OAGRTL, degudaments formalizat peth fedatari public (notari o corredor de comèrç).
Er aval bancari a de complir uns requisits:
-Impòrt: era garantia aurà de corbir er impòrt principau, mès es interèssi de demora/legaus que genère eth fraccionament o ajornament, mès 25% dera soma d’ambdues partides.
-Termini: er aval aurà d’excedir es 6 mesi, aumens, des terminis concedidi en ajornament o fraccionament.
-S'en moment de presentar era sollicitud non se pòt adjúnher er aval, s’a d’aportar compromís d’aval solidari dera entitat de credit.
b) En cas de deutes en volontària e expedients d’executiva, en ambdús casi, d’impòrt parièr o inferior a 1500 € de principau: non ei de besonh era aportacion de garantia (aval), a excepcion deth cas que s’age embargat favorablaments quinsevolh ben, que calerà aportar garantia.
A on e coma se pòt sollicitar:
PER CORRÈU:
En tot enviar era sollicitud e era documentacion corresponenta a quinsevolh punt d’atencion ath contribuent der OAGRTL.
PRESENCIAUMENTS:
Per comparucion enes dependéncies d’atencion ath contribuent de quinsevolh des burèus der OAGRTL, en tot aportar tota era documentacion de besonh.
Consultatz eth hilat de burèus.
F01-PR7-S16 Sollicitud de fraccionament o ajornament - Versió 2 Aranès.pdf
—
PDF document,
33Kb
F03-PR7-S16 Aval bancari - Versió 1 Català.pdf
—
PDF document,
11Kb
