Sollicitud de devolucion d’ingrèssi indegudi
Gestion e/o Recaptacion-Tresaureria
Toti
Devolucion d’ingrèssi indegudi
Podetz sollicitar era devolucion d’ingrèssi indegudi:
- En cas de duplicitat o excès de pagament (per exemple, s'auetz pagat un madeish recebut dus còps).
- S'auetz ua resolucion/senténcia que vos arreconeish eth dret a sollicitar era devolucion d’ingrèssi.
- S'auetz pagat un deute tributari un còp a transcorrut eth termini de prescripcion
- En madeish moment de presentar un recors contra ua liquidacion tributària ja pagada e que creigatz que, segons era norma tributària, non ei corrècta (per exemple: pr'amor qu'auetz pagat eth recebut der IBI quan dejà vos auíetz venut era casa er an anterior o ben pr'amor que se vos a cargat ath compde un recebut que non va ath vòste nòm, eca.). En aguesti casi, un còp er OAGRTL age resolvut eth recors, se s’estime era vòsta peticion, s'arreconeisherà era devolucion d’ingrèssi indegudi.
- Toti aqueri d’auti casi en qué atau ac preveigue era legislacion tributària.
Era devolucion der ingrès indegut tostemp s’efectuarà per transferéncia bancària ath compde que ajatz indicat.
Eth tot cas, cada viatge que se tracte d’un ingrès indegut, era devolucion a favor der interessat comportarà er abonament der interès de demora corresponent per part dera Administracion.
Regulacion:
Lei 58/2003, de 17 de deseme, generau tributària.
RD 520/2005, de 13 de mai, qu’apròve eth Reglament Generau de Desvolopament dera Lei 58/2003, de 17 de deseme, generau tributària, en matèria de revision ena via administrativa.
RDL 2/2004, de 5 de març, qu’apròve eth tèxte rehèt dera Lei Reguladora des Isèndes Locaus.
Ordenança Generau de Gestion, Inspeccion e Recaptacion des Ingrèssi de Dret Public Locaus e d’auti ens, era gestion que n'a estat delegada er OAGRTL dera Deputacion de Lhèida.
Qui ac pòt sollicitar:
Er interessat.
Quan se pòt sollicitar:
En quinsevolh moment, cada viatge que non agen transcorrut 4 ans dempús dera data ena qué s'efectuèc er ingrès indegut o dempús dera data en qué s'arreconeish eth dret a sollicitar era devolucion d’ingrèssi.
Documents que s’an d’adjúnher ara sollicitud:
En cas de duplicitat o excès de pagament:
- Fotocòpia deth DNI deth beneficiari dera devolucion.
- Recebut originau pagat per duplicat deth que se’n sollicite era devolucion d’ingrèssi, amassa damb ua fotocòpia der aute recebut tanben pagat.
- Imprès entara devolucion degudaments ramplit e sagerat pera entitat bancària en que cònste eth numèro de compde a on se vò arrecéber era devolucion d’ingrèssi.
- En cas qu'eth beneficiari dera devolucion sigue ua persona diferenta ath titular deth recebut, cau aportar ua autorizacion administrativa degudaments ramplida e signada. En cas de mòrt deth titular deth dret ara devolucion, cau aportar ua fotocòpia dera escritura de manifestacion e acceptacion d’eretatge.
En cas de resolucion/senténcia qu'arreconeishe eth dret ara devolucion d’ingrèssi:
- Fotocòpia dera resolucion/senténcia.
- Fotocòpia deth DNI deth beneficiari dera devolucion.
- Recebut originau pagat deth que se’n sollicite era devolucion d’ingrèssi.
- imprès entara devolucion degudaments ramplit e sagerat pera entitat bancària en qué cònste eth numèro de compde a on se vò arrecéber era devolucion d’ingrèssi.
- En cas qu'eth beneficiari dera devolucion sigue ua persona diferenta ath titular deth recebut, cau aportar ua autorizacion administrativa degudaments ramplida e signada. En cas de mòrt deth titular deth dret ara devolucion, cau aportar ua fotocòpia dera escritura de manifestacion e acceptacion d’eretatge.
En cas de presentar un recors entà pr'amor que s'arreconeishe eth dret ara devolucion d’ingrèssi:
- Fotocòpia dera documentacion qu'estimatz oportuna entà pr'amor de fondamentar eth dret a sollicitar era devolucion d’ingrèssi.
- Fotocòpia deth DNI deth beneficiari dera devolucion.
- Recebut originau pagat deth que se’n sollicite era devolucion d’ingrèssi.
- Imprès entara devolucion degudaments ramplit e sagerat pera entitat bancària en qué cònste eth numèro de compde a on se vò arrecéber era devolucion d’ingrèssi.
- En cas qu'eth beneficiari dera devolucion sigue ua persona diferenta ath titular deth recebut, cau aportar ua autorizacion administrativa degudaments ramplida e signada. En cas de mòrt deth titular deth dret ara devolucion, cau aportar ua fotocòpia dera escritura de manifestacion e acceptacion d’eretatge.
Non cau presentar ua autorizacion administrativa en cas que demanatz era devolucion d’ingrèssi pr'amor que se vos a cargat ath compde un recebut d’ua auta persona per un error dera Administracion.
A on e coma se pòt sollicitar:
PER CORRÈU:
En tot enviar era sollicitud de devolucion d’ingrèssi indegudi degudaments ramplida, amassa damb era documentacion corresponenta, a quin punt que sigue d’atencion ath contribuent der OAGRTL.
PRESENCIAUMENTS:
Per comparucion enes dependéncies d’atencion ath contribuent de quin burèu que sigue der OAGRTL.
Consultatz eth hilat de burèus.
F01-PR7-GEN Sollicitud - Versió 2 Aranès.pdf
—
PDF document,
29Kb
F02-PR7-GEN Imprès entara devolucion - Versió 2 Aranès.pdf
—
PDF document,
26Kb
F03-PR7-GEN Autoritzacion administrativa devolucion - Versió 2 Aranès.pdf
—
PDF document,
26Kb
