Pagament de tributs
Unitat d’Atencion ath Contribuent
Toti
Coma pagar un deute tributari
Entà poder efectuar eth pagament d’un deute tributari ei de besonh disposar deth corresponent document crubatòri. Ací trobaratz informacion sus es diferenti tipes de documents crubatòris e sus coma podetz demanar-les entà atau poder efectuar eth pagament.
Documents crubatòris en periòde volontari de pagament:
RECEBUTS (deutes de tèrme periodic):
Er OAGRTL envie ath contribuent, en periòde volontari de pagament deth recebut, eth corresponent document crubatòri (tríptic) per corrèu ara adreça que cònste ena basa de donades. Era non-recepcion d’aguest tríptic o era recepcion dehòra deth termini en volontària non exempte deth pagament deth recebut laguens deth termini fixat. Non pagar eth recebut en termini genère eth corresponent recargue e, en sòn cas, interèssi de demora.
Es recebuts se pòden pagar en periòde volontari mejançant eth tríptic:
- En quinsevolh burèu d’ua entitat bancària collaboradora der OAGRTL.
- Mejançant carta de credit o debit en quinsevolh caishèr dera Caixa.
- Mejançant eth servici linha dubèrtadera Caixa (sonque entàs usatgèrs d’aguest servici).
- Mejançant eth servici de banc electronic deth Banco Bilbao Vizcaya Argentaria (sonque entàs usatgèrs d’aguest servici).
Es recebuts se pòden domiciliar. Veigatz eth tramit corresponent.
LIQUIDACIONS D’INGRÈS DIRÈCTE (deutes de tèrme non periodic o ben liquidacions dehòra deth padron):
Er OAGRTL notifique per corrèu certificat es liquidacions d’ingrès dirècte e adjunh un document crubatòri en qué s’indique eth termini e eth lòc a on se pòt efectuar eth pagament. Es liquidacions sonque se pòden pagar a trauès dera Caixa.
Es liquidacions d’ingrès dirècte non se pòden domiciliar.
Document crubatòri en periòde executiu de pagament:
Un còp finalizat eth termini de pagament en volontària (tant de recebuts coma de liquidacions d’ingrès dirècte), s’inície eth periòde executiu, que compòrte era exigéncia deth recargue e, en sòn cas, d’interèssi de demora e despenes.
Er OAGRTL notifique per corrèu certificat era providéncia de constrenhiment e adjunh un document crubatòri (pagarè) en qué s’indique eth termini e eth lòc a on se pòt efectuar eth pagament (sonque a trauès dera Caixa). Un còp transcorrut aguest termini sense auer-se efectuat eth pagament, comence eth procediment executiu (embargs).
Qui pòt demanar un document crubatòri:
Er interessat a hèr eth pagament.
Quan se pòt sollicitar:
En quinsevolh moment.
Coma se pòt sollicitar:
En tot meter-vos en contacte damb quinsevolh des punts d’atencion ath contribuent der OAGRTL.
Consultatz eth hilat de burèus.
