Impòst sus Activitats Economiques: aplicacion dera particion per trimèstres
Gestion tributària
Impòst d’Activitats Economiques - IAE
Particion deth recebut per trimèstres
En cas de baisha per cessament en exercici dera activitat economica (degudaments declarada ara Agéncia Estatau dera Administracion Tributària - AEAT), podetz demanar era particion dera quòta deth recebut der Impòst sus Activitats Economiques (IAE) en foncion des trimèstres en qué era activitat a estat dada de nauta.
Requisits:
1.- S’a d’auer declarat era baisha en exercici dera activitat ara AEAT.
2.- Era data d’efectivitat dera baisha en exercici dera activitat a d’èster, a tot estirar, deth dia 30 de seteme entà pr'amor que sigue d’aplicacion era particion deth recebut.
Consultatz coma dar de baisha ena AEAT una activitat economica deth cens der IAE.
Consultatz s'eth vòste municipi a delegada era gestion tributària des padrons der IAE ar OAGRTL en tot cricar ací.
Regulacion:
Article 89.2 deth RDL 2/2004, de 5 de març, qu’apròve eth tèxte rehèt dera Lei Reguladora des Isèndes Locaus.
Lei 58/2003, de 17 de deseme, generau tributària.
Ordenança Generau de Gestion, Inspeccion e Recaptacion des Ingrèssi de Dret Public Locaus e d’auti ens, era gestion que n'a estat delegada ar OAGRTL dera Deputacion de Lhèida.
Qui ac pòt sollicitar:
Er interessat.
Quan se pòt sollicitar:
Era devolucion d’ingrèssi indegudi se pòt demanar en quinsevolh moment, tostemp que non agen transcorrut 4 ans dempús dera data ena qué s'efectuèc er ingrès deth recebut.
S'era sollicitud d’aplicacion dera particion se presente ar OAGRTL quan eth recebut pendent de pagament se tròbe encara en periòde volontari, podetz demanar non auer de pagar aguest recebut e qu’er OAGRTL vos envie ua liquidacion d’ingrès dirècte damb era quòta dejà redusida un còp efectuat era particion per trimèstres.
Documents que s’an d’adjúnher ara sollicitud:
1. Fotocòpia compulsada dera declaracion de baisha en exercici dera activitat degudaments presentada ara Agéncia Estatau dera Administracion Tributària (AEAT).
Se s’a pagat eth recebut e se demane era devolucion dera part dera quòta corresponenta as trimèstres sencers posteriors ara data dera baisha, cau aportar:
2. Fotocòpia deth DNI/CIF dera persona beneficiària dera devolucion.
3. Recebut originau pagat que se sollicite ena devolucion d’ingrèssi.
4. imprès entara devolucion degudaments ramplit e sagerat pera entitat bancària en que cònste eth numèro de compde a on se vò arrecéber era devolucion d’ingrèssi.
5. En cas qu'eth beneficiari dera devolucion sigue ua persona diferenta ath titular deth recebut, cau aportar ua autorizacion administrativa degudaments ramplida e signada o quina auta documentacion que sigue qu'acredite un interès legitim.
A on e coma se pòt sollicitar:
PER CORRÈU:
En tot enviar era sollicitud d’aplicacion dera particion per trimèstres degudaments ramplidi, amassa damb tota era documentacion, a quinsevolh des burèus der OAGRTL.
PRESENCIAUMENTS:
Per comparucion enes dependéncies d’atencion ath contribuent de quinsevolh des burèus der OAGRTL, en tot aportar tota era documentacion de besonh.
Consultatz eth hilat de burèus.
F01-PR7-S14 Sollicitud d'aplicacion dera particion per trimestres IAE - Versió 2 Aranès.pdf
—
PDF document,
31Kb
F02-PR7-GEN Imprès entara devolucion - Versió 2 Aranès.pdf
—
PDF document,
26Kb
F03-PR7-GEN Autoritzacion administrativa devolucion - Versió 2 Aranès.pdf
—
PDF document,
26Kb
