Emission de certificadi cadastraus (Punt d’Informacion Cadastrau)
Unitat d’Atencion ath Contribuent
Impòst Bens Immòbles (IBI)
Certificat des donades cadastraus
Per autorizacion dera Direccion Generau deth Cadastre, er OAGRTL (a trauès des diferenti punts d’atencion ath ciutadan —veigatz eth hilat de burèus—) preste eth servici de Punt d’Informacion Cadastrau e facilite qu'es ciutadans poguen accedir, consultar e obtier ua certificacion electronica sus era informacion contenguda en Cadastre (non sonque concernent immòbles dera província de Lhèida, mès a nivèu de tota Espanha).
Es donades contengudes en Cadastre pòden auer era consideracion de:
- non protegides: donades fisiques der immòble e cartografia cadastrau.
- protegides: nòm, cognòms o arrason sociau, NIF/CIF e adreça d’eth/es titular/s cadastrau/s, valor cadastrau der immòble (valor deth solèr e, en sòn cas, valor deth bastiment).
En foncion dera categoria ena qué sigatz includides es donades que volgatz consultar, vàrien es requisits e documentacion qu'a d’aportar era persona que vò accedir ad aguesta informacion.
Regulacion:
Resolucion de 29 de març deth 2005, dera Direccion Generau deth Cadastre, qu’apròve eth regim juridic d’establiment e foncionament des Punts d’Informacion Cadastrau.
Ordenança fiscau num. 2 dera Deputacion de Lhèida que regule era taxa per gestion documentau.
Qui ac pòt sollicitar:
Consultes e certificacions sus donades non protegides: quinsevolh persona interessada, sigue o non eth titular cadastrau.
Consultes e certificacions sus donades protegides: eth titular cadastrau deth ben immòble o un representant degudaments acreditat. Tanben se pòt sollicitar un certificat qu'acredite que non se figure en Cadastre coma titular de cap ben immòble.
Quan se pòt sollicitar:
En quinsevolh moment.
Documents que s’an d’adjúnher ara sollicitud:
Se voletz accedir a donades non protegides: non cau aportar cap documentacion.
Se voletz accedir a donades cadastraus protegides, cau acreditar qu'ètz:
-eth titular cadastrau (en tot aportar eth DNI).
-Un representant deth titular cadastrau (en cas de persones juridiques, eth sollicitant a d’acreditar que n’ei eth representant legau, en tot aportar còpia dera documentacion corresponenta).
-Ua persona autorizada peth titular cadastrau (cau aportar ua autorizacion signada peth titular cadastrau amassa damb ua fotocòpia deth DNI deth titular cadastrau).
Prètz deth certificat:
D’acòrd damb era Ordenança Fiscau dera Taxa per Gestion Documentau dera Deputacion de Lhèida, era tarifa pera emission de cada certificat cadastrau ei:
-Certificat descriptiu: 2 èuros
-Certificadi descriptiu e grafic: 10 èuros
A on e coma se pòt sollicitar:
Per comparucion en quinsevolh des dependéncies d’atencion ath contribuent der OAGRTL.
Consultatz eth hilat de burèus.
Informacion:
http://www.catastro.minhac.es/esp/servicios_pic.asp
