Domiciliacion bancària de recebut
Unitat d’Atencion ath Contribuent
Recebuts de tributs des quaus er OAGRTL a delegada era recaptacion en volontària.
Domiciliacion
Se pòt domiciliar eth pagament de toti aqueri recebuts (deutes de tèrme periodic) de tributs e prètzi publics des quaus er OAGRTL a delegada era recaptacion en volontària deth corresponent padron.
Aguest tramit permet dar de nauta era domiciliacion bancària d’un recebut e tanben modificar-la o eliminar-la.
Podetz consultar er apartat corresponent ath calendari fiscau der OAGRTL entà conéisher es dates d’inici e fin deth periòde de pagament en volontària, e es tributs e prètzi publics includidi en cada crubament.
Regulacion:
Art. 25 deth Reiau Decrèt 939/2005, de 29 de junhsèga, qu’apròve eth Reglament Generau de Recaptacion.
Art. 46 dera Ordenança Generau de Gestion, Inspeccion e Recaptacion des Ingrèssi de Dret Public Locaus e d’autes entitat, era gestion des quaus a estat delegada en OAGRTL dera Deputacion de Lhèida.
Qui ac pòt sollicitar:
Ac pòt sollicitar quinsevolh persona interessada.
Avertiment en cas qu'eth titular deth compde non sigue eth titular deth recebut:
D’acòrd damb er art. 33.1 deth RD 939/2005, de 29 de junhsèga, qu’apròve eth Reglament Generau de Recaptacion, en cap cas, eth tresau que pague un deute ei legitimat entà exercir deuant era Administracion es drets que corresponen ar obligat ath pagament (titular deth recebut). Sonque poderà exercitar es drets que se deriven en favor sòn exclusivaments der acte de pagament.
Quan se pòt sollicitar:
En quinsevolh moment. Era sollicitud aurà vigéncia a compdar deth pròplèu periòde de crubament en volontària deth recebut cada viatge que se sollicite damb ua anticipacion minima de 15 dies abans der inici deth periòde de crubament.
Non se pòden domiciliar es recebuts que pòrten era denominacion liquidacion d’ingrès dirècte. Entà pagar aguest recebut cau seguir es instruccions que s’indiquen ena notificacion.
Tanpòc se pòden domiciliar aqueri recebuts que ja se tròben en periòde executiu de pagament.
Termini de validesa deth tramit:
Era domiciliacion d’un recebut a validesa de forma indefinida enquia qu'eth contribuent non la modifique o elimine o ben era domiciliacion non sigue atenguda pera entitat bancària per quina causa que sigue.
A on e coma se pòt sollicitar:
PER CORRÈU O PER FAX:
En tot enviar era sollicitud de nauta, modificacion o eliminacion dera domiciliacion a quinsevolh des burèus der OAGRTL.
PRESENCIAUMENTS:
Per comparucion enes dependéncies d’atencion ath contribuent de quinsevolh des burèus der OAGRTL.
Consultatz eth hilat de burèus.
F01-PR7-R01 Sollicitud de nauta modificacion o eliminacion dera domiciliacion de recebuts - Versió 2 Aranès.pdf
—
PDF document,
32Kb
