Demanar un justificatiu qu'acredite qu'un deute ei pagat
Unitat d’Atencion ath Contribuent
Toti
Duplicat d’un deute ja pagat
Aguest tramit permet demanar eth corresponent justificant qu'acredite qu'un deute ei pagat (un duplicat d’un recebut ja pagat).
Qui ac pòt sollicitar:
Eth titular deth recebut o persona autorizada.
S'eth titular deth recebut ei mòrt, la pòt sollicitar er ereu degudaments acreditat.
Quan se pòt sollicitar:
En quinsevolh moment.
Documents que s’an d’adjúnher ara sollicitud:
- Fotocòpia deth DNI deth titular deth recebut
- S'eth sollicitant non ei eth titular deth recebut, cau aportar ua autorizacion administrativa degudaments ramplida e signada, en tot adjúnher fotocòpia deth DNI deth titular deth recebut e deth sollicitant. Non cau aguesta documentacion en cas der IBI, quan eth sollicitant serà cotitular dera finca e atau cònste en Cadastre.
- S'eth titular deth recebut ei defunt, er ereu a d’aportar ua fotocòpia dera escritura de manifestacion e acceptacion d’eretatge, amassa damb ua fotocòpia deth sòn DNI.
- S'eth titular deth recebut ei ua enterpresa, eth sollicitant a d’acreditar documentauments que n’ei eth representant legau, amassa damb ua fotocòpia deth CIF dera enterpresa.
A on e coma se pòt sollicitar:
PER CORRÈU/FAX:
En tot enviar era sollicitud e era documentacion corresponenta a quinsevolh punt d’atencion ath contribuent der OAGRTL.
PRESENCIAUMENTS:
Per comparucion en quinsevolh des dependéncies d’atencion ath contribuent der OAGRTL.
Consultatz eth hilat de burèus.
F01-PR7-R03 Sollicitud d'un duplicat deth justificant de pagament - Versió 2 Aranès.pdf
—
PDF document,
30Kb
