Impòst sus Veïculs de Traccion Mecanica: aplicacion dera particion per trimèstres
Gestion tributària
Impòst sus Veïculs de Traccion Mecanica IVTM
Particion deth recebut per trimèstres
En cas de baisha definitiva o ben baisha temporau per sostraccion o panatòri de veïcul (degudaments tramitat ara Prefectura Provinciau de Transit), podetz demanar era particion dera quòta deth recebut der Impòst sus Veïculs de Traccion Mecanica (IVTM) en foncion des trimèstres naturaus en qué eth veïcul a estat de nauta.
Requisits:
1.- Eth veïcul s’a d’auer dat de baisha ena Prefectura Provinciau de Transit.
2.- Era baisha deth veïcul a d’èster deth dia 30 de seteme, coma data limit, entà pr'amor que sigue d’aplicacion era particion deth recebut.
Consultatz coma dar de baisha un veïcul.
Consultatz s'eth vòste municipi a delegat era gestion tributària des padrons der IVTM ar OAGRTL en tot cricar ací.
Regulacion:
Article 96.3 deth RDL 2/2004, de 5 de març, qu’apròve eth tèxte rehèt dera Lei Reguladora des Isèndes Locaus.
Lei 58/2003, de 17 de deseme, generau tributària.
Ordenança Generau de Gestion, Inspeccion e Recaptacion des Ingrèssi de Dret Public Locaus e d’auti ens, era gestion que n'a estat delegada ar OAGRTL dera Deputacion de Lhèida.
Qui ac pòt sollicitar:
Er interessat.
Quan se pòt sollicitar:
Era devolucion d’ingrèssi se pòt demanar en quinsevolh moment, cada viatge que non agen transcorrut 4 ans dempús dera data ena qué s'efectuèc er ingrès deth recebut.
S'era sollicitud d’aplicacion de particion se presente en OAGRTL quan eth recebut pendent de pagament se tròbe encara en periòde volontari, podetz demanar non auer de pagar aguest recebut e qu’er OAGRTL vos envie ua liquidacion d’ingrès dirècte damb era quòta dejà redusida un còp efectuada era particion per trimèstres.
Documents que s’an d’adjúnher ara sollicitud:
1. Fotocòpia dera documentacion qu'acredite que s’a tramitat era baisha definitiva o temporau per sostraccion deth veïcul (fotocòpia deth certificat de destruccion deth veïcul o dera sollicitud de baisha tramitada ena Prefectura Provinciau de Transit).
Se s’a pagat eth recebut e se demane era devolucion dera part dera quòta corresponenta as trimèstres sencers posteriors ara data dera baisha, cau aportar:
2. Fotocòpia deth DNI dera persona beneficiària dera devolucion.
3. Recebut originau pagat deth quau se solicite era devolucion d’ingrèssi.
4. Imprès entara devolucion degudaments ramplit e sagerat pera entitat bancària en qué s’indique eth numèro de compde a on se vò arrecéber era devolucion d’ingrèssi.
5. En cas qu'eth beneficiari dera devolucion sigue ua persona diferenta ath titular deth recebut, cau aportar ua autorizacion administrativa degudaments ramplida e signada o quinsevolh documentacion qu'acredite un interès legitim. En cas de decés deth titular deth recebut, cau aportar ua fotocòpia dera escritura de manifestacion e acceptacion d’eretatge.
A on e coma se pòt sollicitar:
PER CORRÈU:
En tot enviar era sollicitud d’aplicacion dera particion per trimèstres degudaments ramplidi, amassa damb tota era documentacion, a quinsevolh des burèus der OAGRTL.
PRESENCIAUMENTS:
Per comparucion as dependéncies d’atencion ath contribuent de quinsevolh des burèus der OAGRTL, en tot aportar tota era documentacion de besonh.
Consultatz eth hilat de burèus.
F01-PR7-S15 Sollicitud d'aplicacion dera particion per trimestres IVTM - Versión 2 Aranès.pdf
—
PDF document,
31Kb
F02-PR7-GEN Imprès entara devolucion - Versió 2 Aranès.pdf
—
PDF document,
26Kb
F03-PR7-GEN Autoritzacion administrativa devolucion - Versió 2 Aranès.pdf
—
PDF document,
26Kb
