Recaptacion
Eth departament de Recaptacion se compause des Servicis Centraus, eth Burèu Centrau e des diferenti burèus territoriaus distribuïdi pera província de Lhèida, per ua melhor gestion e atencion ath contribuent.
Era recaptacion tributària consistís en exercici des foncions administratives qu’amien ath crubament des deutes tributaris, que se pòt realizar en periòde volontari o executiu a trauès deth procediment administratiu de constrenhiment.
Es principaus foncions deth departament de Recaptacion son es següentes:
- Era gestion deth crubament (en periòde volontari e executiu) de:
- Es padrons de recebuts e es liquidacions d’ingrès dirècte qu'an estat aprovadi peth madeish OAGRTL (era delegacion de foncions des ajuntaments e d’auti ens publics).
- Es padrons de recebuts e es liquidacions d’ingrès qu'an estat aprovadi per d’auti ens publics e que sonque se n'a delegat era recaptacion (en volontària e/o executiva).
- Era emission e notificacion dera Providéncia de Constrenhiment des liquidacions tributàries entar inici deth procediment executiu.
- Era emission e notificacion des dilligéncies d’embarg de compdes corrents, sòus, salaris e pensions, bens mòbles e immòbles..., atau coma era practica der embarg en cas de bens embargables.
- Era tramitacion e declaracion dera insolvéncia deth deudor, derivacions de responsabilitat solidària e subsidiària, successors, alienacion des bens embargables, eca.
- Susvelhar era possibla solvabilitat subervenguda des obligadi ath pagament declaradi falhidi; reabilitar e contunhar damb eth procediment de recaptacion.
- Era recaptacion des deutes d’administracions publiques.
- Declarar, en sòn cas, era prescripcion deth deute.
- Eth seguiment des procediments concursaus en cas de concurréncia damb eth procediment de constrenhiment.
- Eth seguiment des procediments damb terceries de domeni e melhor dret.
- Era tramitacion e resolucion des reclamacions presentades sus eth procediment de recaptacion, atau coma eth contraròtle d’execucion e seguiment en cas de reclamacion economica o contenciosa administrativa.
- Era tramitacion e resolucion des sollicituds de suspension deth procediment de recaptacion.
- Era tramitacion e resolucion des sollicituds d’ajornaments/fraccionaments de deutes.
- Era tramitacion des devolucions d’ingrèssi aprovadi pes diferenti departaments, frut deth procediment de gestion e recaptacion.
- Era tramitacion d’ofici des devolucions per ingrèssi en excès.
- Era confeccion de certificadi sus er estat des deutes.
- Era comptabilitat damb es ajuntaments qu'an delegat era recaptacion des Tributs Locaus ar OAGRTL.