En cas de baisha en exercici dera activitat abans d’acabar er an, me cau pagar eth recebut de tota er an?
Era Lei d’Isèndes Locaus establís que, en cas de baisha en exercici dera activitat, eth recebut se partirà per trimèstres sencers. Atau, se se declare era baisha d’ua activitat deuant era AEAT, s'a dret ara devolucion dera part deth recebut der IAE corresponenta as trimèstres sencers posteriors ath trimèstre en qué s’a produsit era baisha.
Requisits:
1.- S’a d’auer declarat era baisha en exercici dera activitat ara AEAT.
2.- Era data d’efectivitat dera baisha a d’èster, coma maximum, deth dia 30 de seteme entà pr'amor que sigue d’aplicacion era particion deth recebut.
Exemple: se se da de baisha ua activitat en mes de mai, s'a dret ara devolucion de dus trimèstres.
Era declaracion censau de baisha ena activitat se sollicite ena Delegacion dera AEAT de Lhèida (tramit obligatòri) e se pòt presentar en un termini de 30 dies dempús dera data en qué era baisha a d’auer efèctes. Un còp sollicitada era baisha censau ena AEAT, podetz sollicitar era devolucion dera part corresponenta deth recebut der IAE, en tot acompanhar-i era documentacion corresponenta.
Entà mès informacion, veigatz er apartat Tràmits.
Consultatz s'eth municipi a on s’exercís era activitat a delegada era gestion der IAE ar OAGRT en apartat Eth tòn municipi.
