Benvenguda deth President
President dera Deputacion de Lhèida e der OAGRTL
Planvoludi/des
Benvengudi ar espaci web der OAGRTL dera Deputacion de Lhèida, un organisme creat eth 1990 damb era volontat de balhar servicis as municipis e as contribuents des nòstes comarques.
Damb era nòsta pagina web, er Organisme hè ua apòsta decidida entà melhorar era nòsta accessibilitat e era nòsta comunicacion extèrna, atau coma ua possada fèrma pera aplicacion des Tecnologies dera Comunicacion entà pr'amor d'èster mès eficienti e favorir era relacion damb es contribuents e es nòsti ajuntaments.
Ei donques, un estrument de melhora dera qualitat deth servici e ua hièstra dubèrta ara comunicacion. En aguest web poderatz trobar-i informacion relativa ara nòsta organizacion politica e administrativa, eth nòste hilat de burèus, telefòns de contacte, informacion tributària, apartat de consultes, atau coma multiples gestions coma calcular tributs, accedir ath calendari fiscau, eca.
Demoram qu'aguest estrument vos sigue de maximala utilitat, atengut que nèish damb era volontat de promòir ua Administracion pròplèu e permeabla as contribuents des nòstes tèrres.
Jaume Gilabert i Torruella
President der OAGRTL e dera Deputacion de Lhèida
